من بعيد

من بعيد




بَقيِتْ أخَاف

من طَبيِب الأسْناَن

ومِن كل الطيور

حتَى الكَرَوان

وم الشَّاى اللى ف الدكان

وم السُكروم الحَادق وم الحراق

وم الحَلاق

منْ العسكرى وم الأُتوبيسْ

ومِن إبليس

من الشَّارع والرَّصيفْ والرََّغيفْ

وأخويا الضعيف

وقَطر السَكَة الحَديدْ

مِش هو القمح برضه

زَمَان كان لُه عيد

وكَان لهُ غنوةْ حَلْوة

وف كِتاَب الأناشيد

بَحبِكْ يا بَلَدْنا

بَس من بِعيِد لبِعيِد