الـــــواد ابني

الـــــواد ابني

الواد ابنى ابو لسان طويل

قالى

يعنى سافرت يا بابا واتغربت

مشوار طويل

وف الاخر راجع

ف شارع متفرع من شارع

وشقة فى الدور الرابع

ودولار نازل طالع

وشوية حاجات

دكان مستنى الترخيص

ومكنسة على خلاط

وكمبيوتر مش نافع

من الاخر معرفتش تتصرف

مقدرتش تقول

لاء

مش مسافر

منين الكحة دى يا بابا

دى عمر

ولابرد

ولا سجاير

انت عارف يا بابا انا بقالى اد ايه بستناك؟؟

ايه يا بابا

انت هتعيط


ده انا كنت بهزر معاك

كنت بهزر معاك